இந்தா பிடி..விருதுகள் 2011

கூடங்குளம், பால் விலை உயர்வு, பஸ்கட்டண உயர்வு,மின்கட்டண உயர்வு, பெட்ரோல் விலை உயர்வு, இவ்வளவையும் எதிர்த்து தங்கள் வாழ் நாட்களை கடத்திக்கொண்டிருக்கும் பொதுமக்கள் ஒவ்வொருவரும் போராளிகளே..

நன்றி..

தமிழக மக்கள் சூடு சொரணை இல்லாதவர்களா? - கலைஞரின் தந்திரம்

வாழாமலே செத்துப்போனவள்!

ஒரு வேப்பமரத்தின் நிழலில் -2

ஒரு பதினைந்து குடும்பங்கள் வாழும் ஒரு சின்ன கிராமத்தில் நாட்டாமையாக வீற்றிருக்கும் ஒரு வேப்பமரத்தின் நிழலில் அவ்வப்போது தங்களுடைய ஆற்றாமை,வெறுப்பு,மனச்சோர்வு இவற்றை பகிர்ந்து கொள்ளும் மனிதர்களைப்பற்றிய இரண்டாவது பார்வை.

அப்பனே முருகா எல்லாரையும் காப்பாத்துப்பான்னு வேப்பமர நிழலில் காலை நீட்டிய படி உட்கார்ந்தவாறு தன்னுடைய சக தோழியைப்பற்றி மீனாச்சி வேப்பமரத்திடம் புலம்ப ஆரம்பித்திருந்தாள் .

நல்லாத்தேன் இருந்தா இந்த சம்முகம், திடீர்ன்னு நேத்து காலங்காத்தால கீழத்தெரு சின்ராசு தண்டோரா போட்டுகிட்டே வந்தப்பதான் தெரிஞ்சது சம்முகம் செத்துப்போய்ட்டான்னு.சம்முகம் யாருன்னு கேக்குறீகளா நானும் சம்முகமும் ஒரு சோட்டு வயசுக்காரிக எவீடும் அவ வீடும் ஓட்ட்டியொட்டியிருக்கும் சிறுசுல இருந்தே ரெண்டுபேரும் ஒரே பள்ளிகோடத்துல ஒரே தட்டுல சாப்ட்டு வளர்ந்தவக.இந்த சம்முகம் இருக்காளே கொஞ்ச நஞ்சமில்ல அம்புட்டு கருப்பா இருப்பா, கருப்புனாலும் கண்மைய மொகம்பூரா பூசுன மாரியொரு கருப்பு.ஆள்தான் கருப்பேயொழிய அவளோட மனசு சுத்த வெள்ள அவ அப்பங்காரன் என்ன வாங்கியாந்தாலும் எனக்கும் ஒரு பாகம் கொடுத்துட்டு திங்கிற மனசுக்காரி பாகம்பிரிக்கமுடியாத ஒத்த முட்டாயா இருந்தால் அவ சட்டையில முட்டாய சுத்தி வாயில வச்சி கடிச்சி எச்சி படாம கடிச்சு பாதியெனக்கு கொடுத்துட்டுத்தான் திம்பா.

ஒரு நா பள்ளிக்கோடம் போய்ட்டு வீட்டுக்கு வந்துகிட்டிருக்கையிலயே அடியே மீனாச்சி எனக்கு கண்ணு கொஞ்சம் மங்களா தெரியுதுடி என்னனே தெரியலைன்னு கண்ணக்கசக்கிகிட்டே வந்தா நானும் எதோ தூசுதுரும்பு கண்ணுக்குள்ளாற விழுந்துபோயிருக்கும்டி இரு நான் ஊதிவிடறேன்னு சொல்லி கண்ணாம்பட்டைய மேலதூக்கிபிடிச்சு ஊதிவிட்டேன் அப்போவும் அவ இல்லடி இன்னும் அப்படியேத்தான் இருக்குடின்னு சொன்னா. வீட்டுக்கு போனதும் அவங்கப்பங்காரன்கிட்டயும் ஆத்தாக்காரிகிட்டயும் சொல்லியிருக்கா அவங்களுக்கு இவ மேல அக்கறையே இல்லன்றதால அவ சொல்றத காதுலயே வாங்கிக்கவேயில்ல அப்படியே விட்டுட்டாங்க கொஞ்ச நாள்லயே கண்ணுல பூவிழுந்திடுச்சு வீட்டை விட்டு வெளியவே வர முடியாத அளவுக்கு கண்ணு மங்கிப்போச்சு.பள்ளிக்கோடத்துக்கு வர்றதையும் நிப்பாட்டிட்டாங்க.

நா பள்ளிக்கோடம் விட்டு எப்போ வாறேன்னு எதிர்பார்த்துகிட்டேயிருப்பா நான் வந்ததும் அன்னிக்கு பூரா அவ ஆத்தாக்காரி திட்டுனதையெல்லாம் சொல்லி சொல்லி அழுவா. பொண்ணு சமஞ்சா சந்தோசப்படற பெத்தவுக இருக்குற ஒலகத்துல இவ சமஞ்ச விசயத்துக்காக அவ அப்பனும் ஆத்தாளும் இவளப்போட்டு அடியடின்னு அடிச்சுருக்காக.அதுக்கப்பறம் கொஞ்ச நாளைக்கு இவளை வெளியவே விடலை . அவளுக்கு ஒரு தம்பிக்காரன். அவனை டவுன்ல இருக்குற கான்மெண்ட் பள்ளிக்கோடத்துல சேத்து படிக்கவச்சு அவனை ஒரு ராசாவாவும் இவளை தீண்டத்தாகதவ மாதிரியும் நடத்துனாக அவக அப்பனும் ஆத்தாளும் வீட்ல.நெசமாலுமே சம்முகம் பாவப்பட்ட பெறவி.

நாளும் வருசமும் வெரசா ஓடிப்போச்சு நானும் உள்ளூர் மைனர் ஒருத்தருக்கு வாக்கப்பட்டேன். எனக்கும் நாலஞ்சு புள்ளகுட்டிங்க ஆயிப்போச்சு என்னோட ஒவ்வொரு சீமந்தத்துக்கும் என் ஆத்தாக்காரி வீட்டுக்கு போறப்போ சம்முகம் என்கிட்ட வந்து எனக்கும் உன்னமாதிரியே புள்ளதச்சியா ஆவணும்போல இருக்குன்னு சொல்லியழுவா . கஷ்டமாத்தேன் இருக்கும் என்ன செய்ய விதி அவளை ஆண்டவன் அஷ்டகோணலா படைச்சுட்டான். ஒரு நாள் அவளோட ஆத்தாக்காரியோட தம்பி சம்முகத்தோட மாமங்காரன் இவளோட பாவாட சாக்கெட்டெல்லம் கிழிச்சு அசிங்கம் பண்ண பாத்திருக்கிறான் அந்த நேரம் இவளோட தம்பிக்காரன் வந்து ரெண்டு அறை விட்டு காப்பாத்திப்போட்டான் இல்லைனா பாவம் ஏற்கனவே நாறி நமுத்துப்போன இவ இன்னும் அழுகி சின்னாபின்னமாயிருப்பா.பாவம் அவ அப்பங்காரனும் ஆத்தாக்காரியும் செத்துப்போனபெறகு இவ தம்பிக்காரந்தான் இவளுக்கு கஞ்சியூத்திகிட்டு கெடந்தான்.

ஒரு நா நான் வீட்ல இருக்கறப்போ பூனக்குட்டிகனக்கா மொல்லமா நடந்து வந்தவ சொன்னத கேட்டதும் எனக்கு தூக்கிவாரிப்போட்டுச்சு.கொஞ்சம் சோறு இருந்தா போடுடின்னா என்னடி ஒன்னோட நாத்தனாக்காரி சோறுதண்ணி கொடுக்கரதில்லையான்னு கேட்டதும் அழுதிட்டா அதுயேண்டி கேக்குற முந்தாநாளு ஆக்குன சோத்த புழுவச்சத வக்கிறா வாய்ல வக்க முடியல குருட்டுச்சிறுக்கிதான எதப்போட்டாலும் தின்னுடுவான்ற நப்பாசை போல தம்பிகிட்ட சொன்னா நீ வாழ்றதே வீண் இதுல வீணாப்போனத தின்னா குறைஞ்சா போய்டுவன்னு சொல்லி கேலிபேசறான் நான் என்னடி பாவம் பண்ணேன் ஏன் எனக்கும் உன்னைமாதிரி கல்யாணம் காட்சி ஆயிருந்தா இந்த சிறுக்கி மவகிட்ட எல்லாம் வசவு வாங்கணும்ன்ற அவசியமும் அவ போடற சோத்ததின்னுட்டு உயிர் வாழணும்ன்ற அவசியமும் எனக்கிருந்திருக்காதுடின்னு அழ ஆரம்பிச்சா..

ஏண்டி எனக்கு இன்னும் கல்யாணம் ஆவலைன்னு சொல்லி கேட்டவளுக்கு என்னால பதிலே சொல்லத்தெரியலை அதுக்கப்பறம் அவ நாத்தனாக்காரி கொடுமை இன்னும் அதிகமாயி அந்த வீட்டுக்குள்ளாறயே தெனமும் நொந்து நொந்து செத்துக்கெடந்தவ நேத்தைக்கு நெசமாலுமே செத்துப்போயிட்டா நீயே சொல்லு ஏன் அவளுக்கு கண்ணு போச்சு? ஏன் அவளுக்கு கல்யாணம் காட்சி ஆகலை இது ரெண்டுத்துக்கும்  நீதான் பதில் சொல்லணும்..

வேப்பமரம் தன்னுடைய கிளையிலிருந்து பசுமையான இரண்டு இலைகளை உதிரவிட்டது...

ஒரு வேப்ப மரத்தின் நிழலில் -1

.

சென்னை தனி மாநிலமாகிறதா?

சென்னை தமிழ்நாட்டின் இதயம் என்று சொல்லும் அளவிற்க்கு தமிழ்நாட்டின் அத்தனை பகுதியிலிருந்தும் பெரும்பாலும் வீட்டிற்க்கு ஒருவராவது சென்னையில் வசிக்கும் வரம் பெற்றிருக்கின்றனர் .இந்த நகரில் விளையும் நல்லது கெட்டதுகளின் பிரதிபலிப்பை தமிழ்நாட்டின் அத்தனை ஊர்களிலும் காணலாம், சட்டமன்றம், சினிமாத்துறை,தொழில்துறை,மென்பொருள் துறை என அத்தனை விஷயங்களின் தலைமையிடமாக விளங்குகிறது.இதன் விளைவு இடப்பற்றாக்குறை, நில மற்றும் வீடு ஆகியவற்றின் விலை உயர்வு,வீட்டு வாடகை உயர்வு தண்ணீர் பற்றாக்குறை இன்னும் இன்னும் நிறைய நிறைய பிரச்சினைகள் இருந்தாலும் இவற்றையும் மீறி தினந்தோறும் சென்னை வந்து வேலை தேடுபவர்களின் எண்ணிக்கை கூடிக்கொண்டேதான் செல்கிறது குறைந்த பாடில்லை...

ஏன் இந்த சென்னை மோகம் ? விமான போக்குவரத்து,கப்பல் போக்குவரத்து இந்த இரண்டு விஷயங்களினால்தான் இந்த இரண்டு விஷயங்களினாலும் தற்போது வந்திருக்கும் மென்பொருள் துறையினால் மட்டுமே சென்னையின் அத்தனை அசுர வளர்ச்சிக்கும் காரணம் என்று கூறலாம் இது இன்னும் எங்க போய் முடிய போகின்றதோ அந்த ஆண்டவனுக்குத்தான் வெளிச்சம்

பொதுவாக ஒரு பள்ளியின் ஒரு வகுப்பில் படிக்கிற 40 மாணவர்களில் ஒருத்தன் நல்லா படிக்கின்றான் அவனுக்கு அதுக்கு தகுந்த வசதிகளும் வாய்ப்பும் இருக்கென்று வைத்து கொள்வோம் ஆசிரியரும் அந்த மாணவனை மட்டும் நீ நல்லா படிக்கிறன்னு தட்டி கொடுத்து, மற்ற பசங்களை கண்டுகொள்ளாமல் விட்டுவிட்டாறென்றால் அந்த வசதியான பையன் மட்டும்தான் நல்ல மதிப்பெண் எடுப்பான் மற்றவங்க எல்லாம் ஏதோ பேருக்கு படித்தோம் என்று போய்டுவாங்க. அதுமட்டுமில்லாமல் அந்த ஒரு மாணவரின் மீது மற்ற மாணவர்களுக்கு காழ்ப்புணர்ச்சியும் வரும் அப்பொழுது அந்த ஆசிரியர் என்ன பண்ண வேண்டும் மீதியிருக்கும் மாணவர்களுக்கும் அவர்கள் படிப்பதற்க்கு தகுந்த வசதியும் ஊக்கமும் கொடுக்கும்பொழுது மற்ற மாணவர்களுக்கும் இன்னும் நல்லா படிக்கணும் என்ற ஆர்வம் வரும் அனைத்து மாணவர்களும் நல்ல முறையில் தேர்ச்சி பெற்று அந்த பள்ளிக்கே பெருமை சேர்ப்பார்கள் ஒரே ஒரு மாணவன் மட்டுமே அந்த பள்ளிக்கு பெயர் வாங்கித்தருவது எப்படியிருக்கும் அனைத்து மாணவர்களும் சேர்ந்து அந்த பள்ளிக்கு பெயர் வாங்கித்தருவது எப்படியிருக்கும்?

இதே போல்தான் தமிழ் நாட்டின் அனைத்து நகரங்களில் வசிக்கும் மக்களின் சென்னை வாழ்க்கை ஆசையானது சென்னை மீது ஒரு வித காழ்ப்புணர்ச்சியை ஏற்படுத்தும். இல்லையென்று சும்மா வார்த்தைக்கு வேண்டுமானால் சொல்லலாம் ஆனால் நிஜத்தில் நம்மால் சென்னையில் வாழ முடியவில்லை என்ற ஒரு ஏக்கம் இருக்கும் .இந்த அரசும் அரசாங்கமும் அரசியல் வாதிகளுமே சென்னையையே விரும்புகின்றனர் ஆதலால் அவர்களும் இந்த விஷயத்தை பெரிய விஷயமாக எடுத்துக்கொள்ளாமல் பத்தோடு பதினொன்றாக ஆட்சி செய்துவிட்டு போய்விடுகின்றனர்..

சென்னை தவிர மற்ற நகரங்களில் வாழும் எங்களுக்கு இப்போ என்ன தேவையென்று நினைத்து பார்க்க அரசாங்கத்துக்கும் அரசியல்வாதிகளுக்கும் நேரமில்லை ஏன் தமிழ் நாட்டில் இருக்கும் மதுரை திருச்சி கோவை போன்ற நகரங்கள் இன்னும் வளரும் நகரங்களாகவே இருக்கின்றன? இந்நகரங்களிலும் சென்னையில் இருக்கும் பாதி அரசு மற்றும் தனியார் தொழில் நிறுவனங்களை பகிர்ந்து அந்நகர வளர்ச்சிகளுக்கும் அரசு உதவலாமே ஆனால் முயற்சி செய்ய மாட்டார்கள் அத்தனைக்கும் லஞ்சம் என்ற விஷயத்தையும் தாண்டி சுயநலம் என்ற ஒன்றும் இருக்கின்றது , முக்கிய அரசியல் தலைவர்கள் அனைவரின் வீடு நிலம் அனைத்தும் சென்னையில்தானே இருக்கின்றது இன்னும் நிறைய அரசியல் தலைவர்களின் பங்குகளும் சென்னையில் இருக்கும் தனியார் தொழில் நிறுவனங்களின் மூதலீடாய் இருக்கின்ற பொழுது அவர்கள் எப்படி சென்னையை விட்டு மற்ற நகரங்களின் வளர்ச்சியில் அக்கறை கொள்வார்கள்?

இப்படி கப்பல் துறைமுகம் இருக்கும் நகரம் மட்டும் தொழிற் புரிய வசதியென்று ஒரு நியாயம் இருக்கிறது . ஏனென்றால் உற்பத்தி செய்த பொருள்களின் ஏற்றுமதிகளுக்கும் உதிரி பாகங்களின் இறக்குமதிக்கும் சரியென்று வைத்துகொண்டாலும் மற்ற கணிணி மென்பொருள் துறையும் சென்னையிலேதான் வளர்ச்சி பெறவேண்டுமென்று விதியிருக்கிறதா என்ன? கேட்டால் கணிணி மென் பொருள் துறை வல்லுனர்கள் ஓய்வு நேரங்களை கழிக்க சிறந்த பொழுதுபோக்கு இடங்களும் இங்கே நிறைய இருப்பதால் பெரும்பாலானோர் சென்னையையே விரும்பவதாக கூறலாம் அந்த பொழுதுபோக்கு வசதிகளை தமிழ்நாட்டின் மற்ற நகரங்களிலும் ஏற்படுத்தி அந்த நகரங்களிலும் மென் பொருள் துறை வளர்ச்சியை ஏற்படுத்தலாமே இப்பொழுதும் இநநகரங்களில் மென் பொருள் நிறுவனங்கள் இயங்கினாலும் சென்னை அளவிற்க்கு வளர்ச்சியடையவில்லையென்றே கூறலாம்...

ஏன் சினிமாத்துறை சென்னையில் மட்டும் இயங்குகிறது? சினிமா தயாரிப்பதற்க்கு தேவையான மூல சாதனங்கள், ஸ்டுடியோக்கள், ரெக்கார்டிங் ஸ்டுடியோக்கள் அத்தனையும் சென்னையில் மட்டுமே இருப்பதனால் சினிமா தயாரிப்பவர்களால் சென்னையை விட்டு வெளியே வர விருப்பமில்லை அத்தனை வசதிகளையும் தமிழ்நாட்டின் பிற நகரங்களிலும் ஏற்படுத்தி அங்கேயும் திரைப்படம் எடுக்க முயற்சிக்கலாமே செலவுகளும் குறையும்,ஆனால் இதையும் கண்டுகொள்வார்களா மாட்டார்கள் ஏனென்று அவர்களுக்கும் திரைப்படத்துறையினருக்கு மட்டுமே வெளிச்சம்...

இன்னும் கல்வி,மருத்துவம் அத்தனையிலும் பிரதான நிறுவனங்கள் அனைத்தும் சென்னையில் மட்டும் இயங்குகின்றன இப்படியே போனால் சென்னை தமிழ்நாட்டிலிருந்து பிரிந்து தனி மாநிலமாக உருவெடுக்கும் நிலை வரலாம் அப்படியான சூழ்நிலையில் வளர்ச்சியடையாத நகரங்களை மட்டுமே வைத்துகொண்டு மீதியிருக்கும் நாடு பொருளாதார நிலையில் கடும் வீழ்ச்சிகளை சந்திக்கும் நிலை ஏற்படும் என்பது நிச்சயம்..இவற்றை தவிர்க்க தமிழ்நாட்டின் மற்ற நகரங்களையும் கண்டுகொள்ளுமா அரசு?

(சிறிது மாற்றத்துடன் கூடிய மீள் பதிவு)

லிவிங் டுகெதர் கலாச்சாரம் - இதுதாண்டி விபச்சாரம்!

லிவிங் டுகெதர் என்ற ஒரு மேற்கத்திய கலாச்சாரம் நம் நாட்டிலும் பரவி வருகிறது இதை ஆதரிப்பவர்கள் நிற்க அதற்கு தக, ஆதரிக்காதவர்கள் தொடர்க அதற்கு தக...

உஷ்ஷ்.......யாருய்யாஅங்க சவுண்டு விடறது

சொக்காய பிடிச்சு தூக்கி போடுங்கடா அவன

ஒருத்தொருக்கொருத்தர் பிடிச்சுருக்குற வரைக்கும் சேர்ந்து வாழ்வோம் பிடிக்கலைன்னா பை சொல்லி பிரிஞ்சிடுவோம் இதுதான் என்னோடகொள்கை என்னோட பிள்ளைகளையும் அப்படித்தான் வாழ வைக்கப்போறேன் என்பவர்கள் கொஞ்சம் பொறுமை பொறுமையா படிங்க...
(புரியலையா மக்கள்ஸ் அதான்யா வேலுபிரபாகரனின் ரசிக குஞ்சுமணிகள் உலகம் முழுவதும் இருக்காங்களே அவங்களத்தான் என்னாது வேலு பிரபாகரன் யாரா? அவருதான்யா எல்லாரும் ட்ரெஸ் எதுவுமில்லாம ஆடலாம் திரியலாம்ன்னு சொன்ன மகா ஞானி)

லிவிங் டுகெதர்

என்னங்கடா டேய் ஃபாரின்காரன் அறிமுகப்படுத்துன சாலைவிதிகளையெல்லாம் மதிக்கவே மாட்டேன்றீங்க இந்த விஷயத்தை கப்புன்னு பிடிச்சுகிறீங்க கப்படிக்குது ராசாக்களா ஒதுங்குங்க...ஒரு நிமிஷம் சாலை விதிகளுக்கு போடப்பட்ட கோடுகள் எதற்க்கு போடப்பட்டன என்று யோசித்து பார்க்காமல் அந்த கோடுகளை மீறி அப்படித்தான் செல்லுவோம் என்பவர்கள் கண்டிப்பாய் ஒருநாள் அடிபட்டு வீழ்வார்கள்...

இன்னைக்கு ஒருத்தி நாளைக்கு ஒருத்தன் இப்படி வாழறவாழ்க்கையில சத்தியமா உண்மையான அன்பு இருக்கப்போறதில்லை காமத்துக்காக ஆணும் பணத்துக்காக பொண்ணும் போகிற தடம் புரண்ட வாழ்க்கைதான் இந்த லிவிங் டுகெதர்...

அதாவது ஒரே பெண் தரக்கூடிய சுகத்தால் அலுத்துபோய் அடுத்தடுத்தபெண்ணின் சுகத்தை தேட விரும்புவர்கள் வாழும்  வாழ்க்கை பச்சையா சொன்னா தே.......யா வாழ்க்கை..மும்பையின் ரெட் லைட் பகுதியில்  நடக்கும் ஒரு விஷயத்தை இவர்கள் இதுதான் எங்கள் புதிய கலாச்சார வாழ்க்கை என்று பேசுகிறார்கள்

டேய் நிறுத்துடா கலாச்சாரத்தை தூக்கி நிறுத்தறவனாட்டம் பேசாதன்னு சொல்றவங்களை ஒண்ணும் பண்ணிடாதீங்கப்பா ஏன்னா ரெண்டு தார வாழ்க்கை வாழற ஒரு மனிதன் ஆளும் நாட்டில்தான் நாமும் அவர்களும் இருக்கிறோம் விட்டுடுங்க பாவம்..

ஆகட்டும் சரிதான்னு வச்சுக்கோங்கய்யா நீங்க முதல்ல சேந்து வாழற வரைக்கும் இருந்த வாழ்க்கையில் பிறந்த குழந்தைகள் அதற்க்கு அடுத்து சேர்ந்து வாழற ஜோடியோடு பிறந்த குழந்தைகள் இவர்களைப்ப்ற்றி நினைத்து பார்த்தீர்களா? எல்லா குழந்தைக்கும் தனக்கு ஒரு அப்பா இருக்குறதைத்தான் விரும்புவார்கள் நிறைய அப்பாக்கள் இருந்தால் அந்த குழந்தை "சத்தம் இல்லாத தனிமை கேட்டேன்" அப்படின்னு அஜீத் மாதிரி பாட வேண்டியிருக்கும் ( புரியாதவர்கள் அமர்க்களம் படம் பார்க்கவும் )

இந்தியாவில் பிறந்த நான் இந்திய கலாச்சாரத்தை தமிழ் கலாச்சாரத்தை மதிக்கிறேன் அப்படி மதிக்காதவர்கள் பற்றி எனக்கொன்றும் கவலையில்லை அவர்கள் இந்தியாவில் பிறந்தவர்களாக இருக்க மாட்டார்கள் அல்லது ஒருவனுக்கு ஒருத்தி என்ற வாழ்க்கை முறையில் பிறக்காதவர்களாய் இருக்க கூடும்....

கார்ட்டூன்


.
நாங்க அப்படித்தான் வாழ்வோம் என்று சொல்பவர்கள் முருகன் அருளால் நல்லபடியா வாழ வாழ்த்துகள்!


.

வானவில் - (11-06-2010)

இனி வாரம் ஒரு நாள் சின்ன சின்ன விஷயங்கள் உங்களோடு பகிர்ந்து கொள்கிறேன்... வானவில் தலைப்பு எப்டி?

தேவை விளக்கங்கள்

ஊருக்கு சென்றிருந்த பொழுது உறவினர் ஒருவர் உடல் நிலை மிகவும் பாதிக்கப்பட்டு இருந்தார் . அந்த நபரின் சுற்றங்கள் நிறைய அவருக்கு மருத்துவத்திற்க்காக மருத்துவர்களை பார்த்துவிட்டனர் ஆனால் உடல் நிலை மேலும் மேலும் மோசமடைந்ததே தவிர உடல் நிலையில் முன்னேற்றம் துளியும் இல்லை. இப்படியிருந்த பொழுது மேற்படி நபரின் குடும்ப நண்பர் இவரின் உடல்நிலை மோசமாகி கொண்டே வருவது தெரிந்து அவரை உசிலம்பட்டி அருகே இருக்கும் நக்கலபட்டி எனும் இடத்திற்கு அழைத்து செல்லுங்கள் அங்கு ஒரு சாமியார் இருக்கிறார் அவரிடம் சென்றால் சரியாகிவிடும் என்று கூறியிருக்கிறார்.இவர்களும் அங்கு சென்றிருக்கின்றனர் . அங்கு சென்றபின் அந்த சாமியார் இவருக்கு வசியமருந்து வைத்திருக்கின்றனர் அந்த மருந்தை எடுக்க வேண்டுமெனில் ஒரு வாரம் நான் கொடுக்கும் மருந்து சாப்பிட்டு பின் இங்கு மீண்டும் வரவும் என்று கூறியிருக்கின்றனர் இவர்களும் அவருக்கு அந்த மருந்தை தினமும் அவர் சொன்ன படி கொடுத்து ஒரு வாரம் கழித்து மீண்டும் அங்கு அழைத்து சென்றிருக்கின்றனர் . அங்கு அந்த சாமியார் அவரின் வாயில் ஒரு குழாயை வைத்து தொண்டைவரை செலுத்தி வாயில் உறிஞ்சிய பொழுது கருப்பு நிறத்தில் கரிக்கட்டை போன்ற ஒரு பொருளை முடி முளைத்து எடுத்திருக்கின்றார். இனி சரியாகி விடும் என்றும் யார் வீட்டிலும் சாப்பிடுவதை தவிர்க்கவும் ஜாக்கிரதையாக இருக்கவும் எனவும் இங்கு வந்து சென்றதை யாரிடமும் கூற வேண்டாம் என்றும் கூறியிருக்கின்றார். இது நடந்து இரு வாரங்களில் மேற்படி நபர் மீண்டும் நல்ல உடல் நிலையுடன் பழைய நிலைக்கு திரும்பியிருக்கிறார். உற்சாகமாக இருந்தார் மனிதர்.விஞ்ஞான உலகத்தில் இன்னும் இது போன்ற வசியமருந்துகள் இருக்கின்றனவா? அப்படியிருப்பின் அவை எப்படி உருவாக்கப்படுகின்றன அவை எப்படி உடலுக்குள் சென்று மாற்றங்களை விளைவிக்கின்றன விஷயம் தெரிந்த மருத்துவர்களின் ஆலோசனை தேவை....

தெரிந்து கொள்வோம்..

கத்தார் திரும்புவதற்க்கு விமான டிக்கட் எடுக்க தேனியில் இருக்கும் UAE எக்சேஞ்ச் செண்டர் சென்று என்னுடைய பாஸ்போர்ட் விசா நகல்களை அங்கு பணிபுரியும் பெண்மணியிடம் கொடுத்துவிட்டு எப்போ டிக்கெட் கிடைக்கும் என்றேன் கொஞ்சம் பொறுத்திருங்கள் என்று சொல்லிவிட்டு திருச்சியில் இருக்கும் அவர்களின் தலைமை அலுவலகத்திற்க்கு தொலைபேசினார் எதிர் முனையில் ஏதோ டீடெயில் கேட்க அதற்கு இவர் விக்டர் , ஆல்ஃபா, சியரா, ஆல்ஃபா, நவம்பர் , தாங்கோ , ஹோட்டல் , ஆல்ஃபா , கிலோ , யூனிஃபார்ம் , மைக் , ஆல்ஃபா , ரோமியோ என்று கூறினார் எனக்கு ஒன்றும் புரியவில்லை மேடம் என்கிட்ட விக்டரும் இல்லை சியராவும் இல்லை அதுமட்டுமில்லாம நான் மே மாசம்தான் போறேன் நீங்க நவம்பர்ன்றீங்கன்னு சொல்லவும் அவர் சிரிச்சுட்டே இது இண்டர்னேசல் கோட் வேர்ட் என்றார்.எந்த இதுக்கு கோட் வேர்ட் என்று கேட்டதற்க்கு ABCD ஆங்கில எழுத்துக்கள் 26க்கும் தனித்தனி கோட் வேர்ட் இருப்பதாகவும் பெயரை ஆங்கிலத்தில் அப்படியே உச்சரித்தால் ஸ்பெல்லிங் மிஸ்டேக் வந்துவிடும் என்பதால் இந்த முறை அனைத்து இடங்களிலும் பயன்படுத்தப்படுவதாகவும் கூறினார் அதற்க்கப்புறமாக கூகுள் ஆண்டவரை கும்பிட்டால் கிழ்கண்ட கோட் வேர்ட்களை உதிர்த்தார் அப்புறம்தான் தெரிந்தது அந்த பெண்மணி என்னுடைய பெயரை மேற்கண்ட வார்த்தகளின் மூலம் விளக்கியிருப்பது... இதோ உங்க பெயருக்கும் இன்னா கோட் வேர்ட்ன்னு நீங்களே தெரிஞ்சுக்கங்க....

A-alpha(ஆல்ஃபா), B-bravo(ப்ராவோ) அவ்வ்...,C - charlie(சார்லி), D-delta(டெல்டா), E-echo(எக்கோ), F-foxtrat(ஃபாக்ஸ்ட்ராட்), G-golf(கோல்ஃப்), H-hotel(ஹோட்டல்), I-India(இந்தியா), J-juliot(ஜூலியட்), K-kilo(கிலோ), L-lima(லிமா), M-mike(மைக்), N-november(நவம்பர்), O-oscar(ஆஸ்கார்), P-papa(பப்பா), Q-quebec(க்யூபெக்), R-romeo(ரோமியோ), S-sierra(சியரா), T-tango(டேங்கோ), U-uniform(யூனிஃபார்ம்), V-victor(விக்டர்), W-whiskey(விஸ்கி), X-xray(எக்ஸ்ரே), Y-yankee(யங்கி), Z-zulu(ஜூலு)

நல்லா வைக்கிறாய்ங்கய்யா கோட் வேர்ட் என்கிட்ட கேட்ருந்தா நல்ல கோட்வேர்டா சொல்லிருப்போம்ல... A for ant, B for butterfly,C for cat, D for dogன்னு நாலு நல்ல பேரா என்னோட சொந்த பந்தங்கள் பெயராவும் வச்சுருப்பேன் ஹூம்...

உங்களுக்கு தெரியுமா?

கூகுளை (GOOGLE) இணையம் உபயோகிப்போர் அனைவருக்கும் தெரியும் அந்த பெயர் அதற்க்கு வந்தது எப்படின்னு தெரியுமா தெரியாதவங்களுக்காக..

ஒரு நாள் என்னுடைய வேண்டும் தமிழ் பெயர் எனும் இடுகைக்காக கூகுளை தமிழ் படுத்திப்பார்த்தால் என்ன வென்று யோசனை வந்து இணையத்தில் இருக்கும் அத்தனை டிக்‌ஷ்னரியையும் உபயோகித்துப்பார்த்தும் பலன் பூஜ்யம் , சரி கூகுள் வெப்சைட் சென்று அவர்களின் தளத்திலே எப்படி அந்த பெயர் வந்தது என்று தேடும்பொழுது ஸ்டான்போர்ட் யுனிவர்சிட்டியில் படித்த செர்ஜி பிரின், லாரி பிரிஜ் என்ற இருவர்களால் இந்த சர்ச் எஞ்சின் தொடங்கப்பட்டது சர்ச் எஞ்சினுக்கு 1க்கு அடுத்து 100 பூஜ்யங்கள் வரும் இலக்கத்தின் பெயரான googol என்று பெயரிடப்பட்டதாகவும் ( அதாவது lakhs,crore இந்த வரிசையில் வருவது) நாளடைவில் அந்த googol ஸ்பெல்லிங் மிஸ்டேக்குடன் google என்று மருவியதாகவும் கூறப்படுகிறது.

அது சரி அதுக்கப்புறம் நம்ம மரமண்டை தமிழில் 1க்கு அடுத்து 100 பூஜ்யங்கள் வரும் இலக்கத்தின் தமிழ் பெயரை தேடிய பொழுது (நமக்குத்தான் கோடி வரைக்குத்தான தெரியும்) கிடைத்த தகவல்படி அந்த இலக்கத்திற்க்கு தமிழில் பெயரில்லை,1 போட்டு 83 பூஜ்யங்கள் போட்டால் அதற்கு வெள்ளம் எனவும் 1 போட்டு 115 பூஜ்யங்கள் போட்டால் அதற்கு வாஹினி எனவும் பெயராம் அதனால கூகுளை தமிழ் படுத்திப்பார்க்கும் என் ஆசை நிராசையாகிவிட்டது ... மேலும் தமிழ் இலக்கங்களின் பெயர் பற்றி பற்றி அறிய இங்கு சென்று பார்க்கவும்.. எனக்கு அதைப்படித்து தலை சுற்றியது உங்களுக்கும் சுற்றும்... இப்படியே ஓவ்வொன்றுக்கும் தமிழ் படுத்தி பார்க்க பார்க்க நிறைய விஷயங்கள் அறிய முடிகிறது அதற்க்காக பிளாக்கருக்கும்,இணையத்திற்க்கும் நன்றிகள்

கொசுறு: மேலும் தேடியதில் கர்நாடக மாநிலம் ரெய்ச்சூர் மாவட்டத்தில் உள்ள ஒரு கிராமத்தின் பெயரும் கூகுள் ஆனால் இந்த கிராமத்தில் இணைய வசதியே இல்லாத காரணத்தால் இவர்களிடம் கூகுள் என்றால் அது எங்கள் கிராமத்தின் பெயர் என்று கூறுகின்றார்களாம்... ஹும்...


நம்ம தமிழ்நாட்டில் அரசு பேருந்தில் பிரயாணம் செய்பவர்களாக இருப்பின் தற்சமயம் பேருந்தின் உட்புற வாசகங்கள் ஒன்றில் மாற்றம் ஏற்பட்டிருப்பதை காணலாம்,என்ன வித்யாசம் என்று கேட்பவர்களுக்கு சமீபத்தில் தமிழக அரசு உடல் ஊனமுற்றோர்களை ஊனமுற்றவர்கள் என்பதிலிருந்து மாற்றுதிறனாளிகள் என்று மாற்றி அறிவித்திருந்தது உடனே அதை செயல் படுத்தியிருக்கிறது , பேருந்தின் முன் புறமோ இடப்புறமோ ஊனமுற்றோர் மற்றும் முதியோர்களுக்கான இடம் என்று இருக்கைகள் ஒதுக்கப்பட்டிருக்கும். தற்பொழுதும் அதே இருக்கை ஒதுக்கப்படிருக்கிறது ஆனால் வாசகம் மாறியிருக்கிறது மாற்றுதிறனாளிகள் மற்றும் முதியோர்கள் என்று எழுதப்பட்டிருக்கிறது அரசு தற்சமயம் செய்த மனசாட்சி உறுத்தலில்லாத ஒரு நடவடிக்கை . இதற்க்காக தமிழக அரசுக்கும் தமிழக போக்குவரத்து துறைக்கும் மனமார்ந்த நன்றிகள் மாற்றுதிறனாளிகள் சார்பாக...

அவ்ளோதான் உலகம் (தேவை விழிப்புணர்வு)

நீங்கள் உடையணிந்திருந்தாலும் உங்களை நிர்வாணமாக காட்டும் மென்பொருள் வந்துவிட்டதாக நெட்டில் படித்து பயந்துபோய் இருக்கும்பொழுது ஒரு வீடியோவும் சேர்ந்து வந்து பயமுறுத்துகிறது கண்டிப்பாக 18+ மட்டுமே காண அனுமதி அதிச்சியூட்டும் வீடியோ இதோ இதை தடுக்க உலக அரசாங்கங்கள் நடவடிக்கை எடுக்குமா? மக்களிடம் கண்டிப்பாக விழிப்புணர்வு தேவை...

இதோ அந்த வீடியோ...

இந்த வார புகைப்படம்

இதற்க்கான கமெண்ட்கள் வரவேற்கப்படுகின்றன...

இந்த வார வானவில் இடுகையாக மொஹம்மத் ஃபெரோஸின் இந்த மனிதம் மிளிர்கிறது எனும் இடுகை கண்டிப்பாக மனசு இருப்பவர்களுக்காக மட்டும்... ஒரு சிறந்த இடுகை கொடுத்ததற்க்கு வாழ்த்துகள் ஃபெரோஸ்...

மாறுங்கள் இல்லை மாற்றப்படுவீர்கள் புரோகிதர்களே...

முக்கிய குறிப்பு : இங்கு நான் எந்த மதத்தையோ அல்லது இனத்தையோ கொச்சைபடுத்த முயற்சிக்கவில்லை ...

புரோகிதர்களுக்கு மட்டும் எழுதிக்கொள்வது (அவர்கள் சார்ந்த சமுதாயத்திற்க்கு அல்ல)

காலம் காலமாக திருமணத்திற்க்கு புரோகிதர்களை வைத்து திருமணம் செய்வது நமது தமிழ் கலாச்சாரத்தில் ஊறிப்போய் இருக்கிறது.திருமணம் மட்டுமின்றி ஏனைய சடங்குகள் அனைத்திற்க்கும் புரோகிதர்களை வைத்து மந்திரம் ஓதி சடங்குகள் செய்து கொள்வது வழக்கமாகிவிட்டது...

எத்தனை பேர் அந்த மந்திரங்களை அர்த்தம் புரிந்து சொல்லியிருக்கிறோம் என்று தெரியவில்லை.ஒருவேளை அந்த மந்திரங்கள் புரிந்தவர்கள் சமஸ்கிருதம் அறிந்தவர்களாக இருக்கலாம்...ஆனால் சமஸ்கிருதமே என்னவென்று தெரியாத பாமர மக்கள் வீட்டு சடங்குகளிலும் இன்னும் இந்த சமஸ்கிருத மந்திரங்கள் சொல்வது ஏன்?

தமிழ் நாட்டில் தமிழர்கள் ஆளும் தமிழர்கள் வாழும் ஊரில் இன்னமும் சமஸ்கிருதத்திலயே மந்திரங்கள் ஓதப்படுவது ஏன் ஓய்?

இது மாற்றாததற்க்கு காரணம் இன்னும் தானே உசத்தியென்றும் தாங்கள் சொல்வதைத்தான் மற்றவர்கள் கேட்கவேண்டும் என்ற ஆணவமா? இல்லை மரபாக வந்ததை மாற்ற இயலாது என்று சாக்கு போக்கா? என்ன என்னவோ கண்டுபிடிச்சாச்சு இந்த விஞ்ஞான உலகத்தில் இந்த சமஸ்கிருதத்திற்க்கு தமிழ் அர்த்தம் கண்டு பிடிக்காமலா இருந்திருப்பார்கள்?

கண்டுபிடிச்சுருக்கான்யா தமிழன் நான் படிச்சதை சொல்றேன் கேளுங்க...

சோமஹ ப்ரதமோ விவிதே கந்தர்வோ
விவித உத்ரஹ த்ரியோ அக்னிஸ்டே பதி
துரியஸ்தே மனுஷ்ய ஜாஹ

இந்த மந்திரத்தை திருமணம் நடத்திவைக்கிற புரோகிதர் மணப்பெண்ணை நோக்கி சொல்றார்.இதுக்கு அர்த்தம் சொன்னா இந்த மந்திரங்கள் சொல்லி திருமணம் முடிந்த மணப்பெண்களுக்கு வருத்தமாய்த்தான் இருக்கும் சொல்லித்தான் ஆகவேண்டியிருக்கிறது இந்த மணப்பெண் முதலில் சந்திரன் எனும் சோமனுக்கு மனைவியாய் இருந்தாள் இரண்டாவதாக கந்தர்வனுக்கு மனைவியாய் இருந்தாள் மூன்றாவதாக அக்னிக்கு மனைவியாய் இருந்தாள் நான்காவதாக இந்த பக்கத்தில் உட்கார்ந்திருக்கும் மணமகனுக்கு மனைவியாகப்போகிறாய்...

கேட்டீங்களாப்பா என்னதான் அவங்க எல்லாரும் கடவுள்களாக இருந்தாலும் மூன்றுபேருக்கு மனைவியாய் இருந்த ஒருவளை எப்படி ஒரு தன்மானம் உடைய மணமகன் திருமணம் முடிப்பது ? பிறந்ததிலருந்து பொத்தி பொத்தி பாதுகாத்து வளர்த்து எந்த களங்கமும் இல்லாத தன்னோட பொண்ணை ஒருத்தனுக்கு திருமணம் நடத்திவைக்கும் பெற்றோர்களுக்கு இதன் அர்த்தம் தெரிந்தால் கொதித்து போய்விடமாட்டார்களா ஓய்? இதைவிட இவ்வளவு வருடங்கழித்து எந்த ஆடவரின் இச்சைக்கும் அடிபணியாத முதல் முதலாக ஒரு ஆடவனுக்கு மனைவியாகப்போகிறவளுக்கு இதன் அர்த்தம் தெரிந்தால் அவ்வளவுதான் எரிந்து கொண்டிருக்கும் அதே அக்னியில் அந்த புரோகிதனை பொசுக்கிவிடமாட்டாளா?

இதுக்கு பதிலாக

இன்னார் மகளாய் பிறந்த இன்ன பெயருடைய நீ இன்னாருக்கு பிறந்த இன்ன பெயருடைய ஒருத்தருக்கு மனைவியாகப்போகிறாய் என்று கூறினால் போதாதா ஓய்?

நோக்கு எப்டி தெரியுன்றவாளுக்கு சொல்றேன் கேளுங்க...

விளக்க?உரை பெயர் : விவாஹ மந்த்ராத்த போதினி

எழுதியவர் : கீழாத்தூர் ஸ்ரீநிவாச ஆச்சாரியார் (பெயருக்கு பின்னால் சாதி பெயர் போடுறவங்களுக்கு முதலில் கருட புராண தண்டணை கொடுக்கணும் ஓய்)

பக்கம் : 22....

இதைவிட கொடுமை

தாய் தகப்பனுக்கு திவசம் கொடுக்கப்படும்பொழுது சொல்லப்படும் மந்திரம்...

தகப்பனுக்குதிவசம் கொடுக்கும்பொழுது சொல்ற மந்திரம்

யன்மே மாதா பிரலுலோப சரதி அனனு விருதா
தன்மே ரேதஹ பிதா விருங்க்தா ஆபுரண் யோப
பத்யதாம் ரங்கராஜ சர்மணே ஸ்வாஹா
ரங்கராஜ சர்மணே அஸ்மது பித்ரே இதம் நமம
கிருஸ்ண கிருஸ்ண கிருஸ்ண…

இதுக்கு அர்த்தம்

என்னோட அம்மா பத்தினியா இல்லாமல் வேறொருத்தருக்கு என்னை பெற்றிருந்தால் இந்த திவசத்திற்க்கு உரிமை கோரி உண்மையான என்னுடைய தகப்பன் வருவார் அப்படியில்லையென்றால் என்னுடைய அம்மாவின் கணவர் இந்த திவசத்தை பெற்றுக்கொள்ளட்டும்.. என்ன கரும மந்திரம்டா இது அப்பன் பேர் தெரியாதவன்னு அசிங்கப்படுத்துற மாதிரியில்ல இருக்கு...

இதுக்கு பதிலா அப்பா நான் இதுவரைக்கும் உன்னை இகழ்ந்து பேசியிருந்தாலோ இல்லை உனக்கு அவமானம் தரக்கூடிய வகையில் நடந்திருந்தாலோ அதற்க்காக என்னை மன்னித்து இந்த திவசத்தை ஏற்றுக்கொள்வாயாகன்னு சொன்னா போதுமே ஓய்...

அம்மாவுக்கு கொடுக்கிற திவசத்தில் சொல்ற மந்திரம் இது

என்மே மாதா ப்ரவது லோபசரதி
அன்னவ் வ்ரதோ தன்மே ரேதஹ
பிதா வ்ருந்த்ததாம் ஆபுரண்யஹா
அவபத்ய நாம….

என்னுடைய அம்மா என்னை யாருக்கு பெற்றாளோ தெரியவில்லை ஒரு நம்பிக்கையில் தான் அவளை என்னுடைய தகப்பனின் மனைவியாக கருதுகிறேன் அந்த அம்மாவிற்க்கு இந்த திவசம் போய் சேரட்டும் மானங்கெட்ட மந்திரம்டா இது சொல்றதுக்கே வாய் கூசுது...

இதுக்கு பதிலா அம்மா என்னை பத்து மாசம் சுமந்து பெற்றதற்க்கு ஈடு இணையாக நான் எதுவும் செய்யவில்லை அதற்க்காக என்னை மன்னித்து இந்த திவசத்தை ஏற்றுக்கொள்வாயாக இப்படி சொன்னால் போதாதா ஓய்...

நானும் இந்துமதத்தை சேர்ந்தவன்தான் இல்லையென்று சொல்லவில்லை அதற்க்காக இப்படி அபத்தமான மந்திரங்களை சொல்ல தன்மானம் இடங்கொடுக்கவில்லை முற்றிலும் சமஸ்கிருத மந்திரம் ஓதுவதை தவிருங்கள் ஓய்..இல்லை இந்த மந்திரங்களுக்கு வேறு அர்த்தங்கள் வைத்திருப்பீர்களானால் அதையே தமிழ் படுத்தி கூறுவதில் என்ன நஷ்டம் வந்துவிடப்ப்போகிறது உங்களுக்கு? இன்னும் எத்தனை நாளைக்குத்தான் இந்த சமஸ்கிருதத்தையே பிடிச்சு தொங்கிண்டு இருப்பேள் ஓய் ஒழுக்கமாக மரியாதையாக கோவிலில் தமிழில் அர்ச்சனை செய்வதை போலவே சடங்குகள் சம்பிரதாயத்திற்க்கும் தமிழில் மந்திரம் ஓதவும்... இல்லையேல் தமிழ் நாட்டை விட்டே ஒதுக்கி வைக்கப்படும் நிலைக்கு ஆளாகும் நிலை வெகு தூரம் இல்லை...நீங்கள் இல்லாமலே திருமணங்கள் நடக்கும் சூழ்நிலைகள் உருவாகலாம் ஓய்....உங்களுக்கு சமஸ்கிருதம் தெரியும் என்பதற்க்காக மற்றவர்கள் மீதும் அதை திணிக்காதீர்கள்...

மாறுங்கள் இல்லை மாற்றப்படுவீர்கள் புரோகிதர்களே...

யஹி ஹேய் ரைட் சாய்ஸ் பேபி ஆஹா...

ஒரு மனிதனுக்கு தனக்கு குழந்தை பிறந்த பிறகு வீட்டிற்க்கு நல்ல நாள் பார்த்து எந்த நாளில் அழைத்து வருவது என சாய்ஸ் இருக்கு...

வீட்டிற்க்கு வந்த பிறகு அந்த குழந்தைக்கு அப்பா பெயர்வைப்பதா குலசாமி பெயர் வைப்பதா இல்லை மனைவி சொன்ன பெயர் வைப்பதா தன்னுடைய முன்னாள் காதலி காதலன் பெயர் வைப்பதா என்று சாய்ஸ் இருக்கு...

குழந்தையை ஆங்கில வழிக்கல்வி கற்க வைக்கலாமா இல்லை தமிழ் வழி கற்க வைக்கலாமா என்ற சாய்ஸ்ம் இருக்கு...ஸ்கூலுக்கு போய் படிச்சதும் இறுதியில் வைக்கும் தேர்வில் எந்த விடையை தேர்ந்தெடுக்க என்ற சாய்ஸ் இருக்கு...

பையன் பத்தாவது படித்து முடித்தது அடுத்து ப்ளஸ் ஒன் போகலாமா பாலிடெக்னிக் போகலாமா ஐடிஐ போகலாமா என்று சாய்ஸ் ப்ளஸ் டூ முடித்ததும் இன்ஞினியரிங் காலெஜ் போகலாமா இல்லை மருத்துவக்கல்லூரி இல்லை ஆர்ட்ஸ் காலேஜ் இப்படி மேல்நிலைக்கல்வியில் எதை தேர்ந்தெடுக்கலாம் என ஆயிரம் சாய்ஸ் இருக்கு...

படிப்பு முடிஞ்சதும் எந்த கம்பெனிக்கு அப்ளிகேசன் போடலாம் என சாய்ஸ் இருக்கு..ரெண்டு மூணு கம்பெனியில் இருந்து இண்டெர்வியூ வந்தாலும் எந்த கம்பெனிக்கு போவது என்று சாய்ஸ் இருக்கு..இண்டெர்வியூல நம்மல மாதிரியே நிறைய பேரிலிருந்து ஒருத்தரை தேர்வு செய்ய கம்பெனிக்கு சாய்ஸ் இருக்கு...

வேலை கிடைச்சதும் வர்ற சம்பளத்தை வைப்பு நிதியில் போடலாமா இல்லை மியூச்சுவல் ஃபண்டில் முதலீடு செய்யலாமான்னு சாய்ஸ் இருக்கு...

பணம் நிறைய சேர்ந்ததும் அதை வைத்து ரெடிமேடாக அனைத்து வசதியும் இருக்கும் அபார்ட்மெண்டில் ஃப்ளாட் வாங்கலாமா இல்லை காலிமனை வாங்கி வீடு கட்டலாமா என்று சாய்ஸ் இருக்கு...

வீட்டுக்கும் ஆபீஸுக்கும் போய் வர கார் வாங்கலாமா இல்லை பைக் வாங்கலாமா பைக் வாங்கினால் எந்த மாடல் வாங்கலாம் என நிறைய சாய்ஸ் இருக்கு...

திருமணத்துக்கு பெண் பார்க்கும் வகையில் அழகா இருக்கற பெண்கள் , அதிக வரதட்சணை கொடுக்குற பெண்கள், படிச்ச பொண்ணா பெரிய குடும்பமா என பார்க்க பொருத்தமான ஜாதகம் பார்த்து திருமணத்துக்கு பொண்ணு தேட நிறைய சாய்ஸ் இருக்கு...

திருமணம் நிச்சயமானதும் அதை ஏதாவது ஒரு மாதத்தில் வரும் நல்ல நாட்கள் நாளில் எதில் வைக்கலாம் என்று சாய்ஸ் இருக்கிறது...திருமணத்தை மண்டபத்தில் வைக்கலாமா இல்லை கோவிலில் வைக்கலாமா என்ற சாய்ஸ் திருமணத்துக்கு விருந்து சாப்பாடு போடலாமா இல்லை டிபனோட முடிச்சுடலாமா என்று சாய்ஸ் நிறைய இருக்கு....

திருமணத்துக்கு உடுத்துற உடையில் ஆயிரம் சாய்ஸ் இருக்கு...ஃபேண்ட் சர்ட் போடலாமா இல்லை வேட்டி சட்டை போட்டுக்கிடலாமா புடவை கடைக்கு போனா எந்த புடவை என்ன கலர் எடுக்கலாம் என்று சாய்ஸ் இருக்கு....

திருமணம் முடிந்து வரும் நாட்களில் மனைவி காலையில் கணவனுக்கு காபி தருவதா இல்லை டீ தருவதா என்று சாய்ஸ் இருக்கு...

அதற்கு பிறகு வீட்டில் தினமும் இட்லி வைக்கலாமா தோசை ஊத்தலாமா சாப்பாடு செய்யலாமா தோசைக்கு தேங்காய்சட்னியா இல்லை தக்காளி சட்னியா என்ற சாய்ஸ் சிக்கன் வாங்கினால் வறுக்கிறதா இல்லை குழம்பு வைக்கறதா முட்டை ஆம்லேட் போடறதா ஆஃப்பாயில் போடறதான்ற சாய்ஸ் இருக்கு...

வீட்டிலிருக்கும்பொழுது விஜய் டிவி பார்க்கிறதா இல்லை சன்னா கலைஞரா என சாய்ஸ் இருக்கு...

ஞாயிற்றுகிழமை விஜய் படத்துக்கு போகலாமா அஜீத் படத்துக்கு போகலாமா இல்லை பீச்சுக்கு போகலாமான்னு சாய்ஸ் இருக்கு...

மொபைல் நோகியா வாங்கலாமா இல்லை சோனிஎரிக்சன் வாங்கலாமா வாங்கிய பிறகு ஏர்டெல்லா,ஏர்செல்லா,ஹட்ச்சா இப்படி நிறைய சாய்ஸ் இருக்கு...

பத்திரிக்கை வகையில் தினமலர்,தினத்தந்தி,தினகரன், குமுதம், ஆனந்தவிகடன், குங்குமம், சாரு, ஜெமோ, சுஜாதா இப்படி நிறைய சாய்ஸ்...

இவ்வளவு ஏங்க ஆயிரம் வலைப்பூ இருக்குற பதிவுலகத்தில் இவங்களை மட்டும் படிச்சா போதும்ன்னு குறிப்பிட்ட பதிவர்களை மட்டும் செலக்ட் பண்ணி படிக்க கூட சாய்ஸ் இருக்கு...

இப்படி வாழ்க்கையில் எந்த பக்கம் திரும்பினாலும் சாய்ஸ் இருக்கிற மனிதனுடைய வாழ்க்கையில் நமக்கு அம்மா அப்பாவாக இவர்தான் இருக்க வேண்டும் என்ற சாய்ஸ் இல்லை,ஏனென்று சிந்தனைகள் பறக்கவிட்டால் அவர்களுக்கும் நாம்தான் பிறக்க வேண்டும் என்ற சாய்ஸ் அவர்களுக்கு இருந்திருக்கவில்லை..

இறக்கும்பொழுது என்றைக்கு இறக்கப்போகிறோம்? வலிக்க வலிக்க இறக்கபோகிறோமா? இல்லை வலியில்லாமல் தூக்கத்திலே இறந்துவிடுவோமா? என்று சாய்ஸ் இல்லை(தற்கொலை செய்பவனை தவிர்த்து) ஆனால் செத்தபிறகு புதைக்கிறதா எரிக்கிறதா என்ற அதிமுக்கியமான சாய்ஸ் இருக்கிறது...இப்பொழுதுதான் தெரிகிறது தன்னுடைய சாவை தீர்மானித்து கொள்ளும் தற்கொலை செய்து கொள்ளும் கோழை எவ்வளவு அதிர்ஷ்டசாலியென்று...

வாழும்போதே வரிசையாக ஆள்களை நிற்கவைத்து அதிலிருந்து நண்பர்களை தேர்ந்தெடுக்கும் வசதியும் இருந்திருந்தால் நன்றாக இருந்திருக்கும்...நட்புங்கூட எப்பொழுது வருகிறது எப்பொழுது பிரிகிறதென்று தெரியாமல் தானாகவே வந்து தானாகவே பிரிந்துவிடுகிறது...

பிறப்பு கூட நாம ஆணாக பிறக்கணும் இல்லை பெண்ணாக பிறக்க வேண்டும் இந்த மதத்தில் இந்த சாதியில் பிறக்க வேண்டும் என்ற சாய்ஸ் இருந்திருந்தால் நிறைய பெண் சிசு கருக்கலைப்புகள்,சாதி மத சண்டைகள் இருந்திருக்காது..

காதல் கூட ஜாதி சமயம் பணம் அழகு இதெல்லாம் பார்த்து வருவதாய் இருந்திருந்தால் இப்போ இருக்குற காதலி காதலர்களுக்கு எவ்வளவு வசதியாய் இருந்திருக்கும்? ஹும்...

(ஒரு குழப்பவாதியின் ஆதங்கம்)

33%

33% இட ஒதுக்கீடு கேட்கும் எம் பெண்டிரிடம் சில கேள்விகள்

காலங்காலமா சின்னப்புள்ளையில இருந்து இப்போ வரைக்கும் அரை டவுசர்,முழுடவுசர்,வேஷ்டி இது எல்லாத்துக்கும் மேட்ச்சா எப்பவும் கட்டம்போட்ட சட்டை ,கோடு போட்டசட்டை,டி சர்ட்,இந்த நாலு ஐட்டம் தான் இருக்கு உங்களுக்கு மட்டும் சேலை,தாவணி,பாவாடை சட்டை,ஸ்கர்ட்,மினி ஸ்கர்ட்,ஜீன்ஸ்,டாப்ஸ்,சுடிதார்,இன்னும் வாயில வராத பேரெல்லாம் இருக்குற ட்ரெஸ் வித விதமா போடுறீங்களே இது எங்களை விட எத்தினி பெர்செண்ட் அதிகம்ன்னு தெரியுமா?

காது,மூக்கு,கழுத்து,இடுப்பு,நெற்றி,கால்,கால் விரல் கை,கைவிரல் யப்பாடி இம்புட்டு இடத்துலயும் நகை நட்டுன்னு கலந்து கட்டி வீட்டுக்காரோட பாக்கெட்ட காலி பண்றீங்களே எங்களோட பெர்செண்டேஜ் எம்புட்டுன்னு தெரியுமா?

கையில ப்ரேஸ்லெட்,மோதிரம்,செயின் இததவிர்த்து வேற எந்த நகை போட்டாலும் இந்த உலகம் ஒற்றுக்கொள்ளாது..’

ஒரு விஷயம் கணவன் மனைவிக்கோ இல்லை நண்பர் நண்பிகளுக்குள்ளாகவோ விவாதம்ன்னு வரும்பொழுது எங்களைவிட நீங்க பேசற பேச்சுகளின் பெர்சண்டேஜ் உங்களுக்கே தெரியும்...

ஒரு அழகான பொண்ணு ரோட்ல நடந்து போகும்போது பார்க்கும் கண்களின் எண்ணிக்கைக்கும் அழகான பையன் ரோட்ல நடந்துபோகும்போது பார்க்கும் கண்களின் எண்ணிக்கைக்கும் இருக்கும் பெர்சண்டேஜ்லயும் உங்களுக்குத்தானேங்க அதிக பெர்செண்டேஜ் வருது ?

பொதுவான இடத்தில எங்களுக்கு ஆபத்து நடந்தா வர்ற கூட்டத்தவிட உங்களுக்கு ஆபத்து வந்தா கூடுற கூட்டம்தானேங்க அதிகம்...

ஆண்கள் பியூட்டி பார்லர் விட பெண்கள் பியூட்டி பார்லர்தானேங்க அதிகம் இருக்கு...

வார மாத இதழ்களின் அட்டை படத்தில கூட உங்க படம் தானேங்க அதிக தடவை வருது...(ஹூம்)

டிவி சீரியல்ல கூட உங்க படைதானேங்க அதிகமா இருக்கு...

அழகுன்றது கூட எங்களை விட உங்களுக்குத்தானேங்க கடவுள் அதிகமா கொடுத்திருக்கான்...

கடவுள்களில் கூட ஆண் கடவுளைவிட பெண்கடவுள் தானேங்க அதிகம் இருக்காங்க...

அன்பு,பாசம்,இதுகூட எங்களைவிடநீங்கதானேங்க அதிகம் வச்சுருக்கீங்க..

இதெல்லாம் விட ஒரு உயிரை படைக்கிற சக்தி கடவுளுக்கு அடுத்து உங்களுக்குத்தானேங்க இருக்கு...

இன்னும் நிறைய துறையில எங்களை விட முன்னேறிகிட்டு இருக்கீங்க சந்தோஷமாவே இருக்கு பின்ன இந்த பாழாய்ப்போன 33% மட்டும் இன்னும் ஏங்க சட்ட சபையிலயும் பாராளுமன்றத்திலயும் மட்டுமே கேட்டுட்டு இருக்கீங்க ? அதை விட்டு வெளியில வாங்க...

சென்னை தனி மாநிலமாகிறதா?

சென்னை தமிழ்நாட்டின் இதயம்ன்னு சொல்லும் அளவிற்க்கு தமிழ்நாட்டின் அத்தனை பகுதியிலிருந்தும் வீட்டிற்க்கு பெரும்பாலும் ஒருவராவது சென்னையில் வசிக்கும் வரம் பெற்றிருக்கின்றனர் இந்த நகரில் விளையும் நல்லது கெட்டதுகளின் பிரதிபலிப்பை தமிழ்நாட்டின் அத்தனை ஊர்களிலும் காணலாம், சட்டமன்றம், சினிமாத்துறை,தொழில்துறை,மென்பொருள் துறை என அத்தனை விஷயங்களின் தலைமையிடமாக விளங்குகிறது.இதன் விளைவு இடப்பற்றாக்குறை, நில மற்றும் வீடு ஆகியவற்றின் விலை உயர்வு,வீட்டு வாடகை உயர்வு தண்ணீர் பற்றாக்குறை இன்னும் இன்னும் நிறைய நிறைய பிரச்சினைகள் இருந்தாலும் இவற்றையும் மீறி தினந்தோறும் சென்னை வந்து வேலை தேடுபவர்களின் எண்ணிக்கை கூடிக்கொண்டேதான் செல்கிறது குறைந்த பாடில்லை...

ஏன் இந்த சென்னை மோகம் ? விமான போக்குவரத்து,கப்பல் போக்குவரத்து இந்த இரண்டு விஷயங்களினால்தான் இந்த இரண்டு விஷயங்களினாலும் தற்போது வந்திருக்கும் மென்பொருள் துறையினால் மட்டுமே சென்னையின் அத்தனை அசுர வளர்ச்சிக்கும் காரணம் என்று கூறலாம் இது இன்னும் எங்க போய் முடிய போகின்றதோ அந்த ஆண்டவனுக்குத்தான் வெளிச்சம்

பொதுவா ஒரு ஸ்கூல்ல ஒரு வகுப்பில் படிக்கிற 40 மாணவர்களில் ஒருத்தன் நல்லா படிக்கிறான் அவனுக்கு அதுக்கு தகுந்த வசதிகளும் வாய்ப்பும் இருக்கென்று வைத்து கொள்வோம் ஆசிரியரும் அந்த மாணவனை மட்டும் நீ நல்லா படிக்கிறன்னு தட்டி குடுத்துட்டு மற்ற பசங்களை கண்டுகொள்ளாமல் விட்டுவிட்டாரென்றால் அந்த வசதியான பையன் மட்டும்தான் நல்ல மார்க் எடுப்பான் மற்றவங்க எல்லாம் ஏதோ பேருக்கு படிச்சோம்ன்னு போய்டுவாங்க அதுமட்டுமில்லாம அந்த ஒரு மாணவரின் மீது மற்ற மாணவர்களுக்கு காழ்ப்புணர்ச்சியும் வரும் அப்பொழுது அந்த ஆசிரியர் என்ன பண்ண வேண்டும் மீதியிருக்கும் மாணவர்களுக்கும் அவர்கள் படிப்பதற்க்கு தகுந்த வசதியும் ஊக்கமும் கொடுக்கும்பொழுது மற்ற மாணவர்களுக்கும் இன்னும் நல்லா படிக்கணும்ன்னு ஆர்வம் வரும் அனைத்து மாணவர்களும் நல்ல முறையில் தேர்ச்சி பெற்று அந்த பள்ளிக்கே பெருமை சேர்ப்பார்கள் ஒரே ஒரு மாணவன் மட்டுமே அந்த பள்ளிக்கு பெயர் வாங்கித்தருவது எப்படியிருக்கும் அனைத்து மாணவர்களும் சேர்ந்து அந்த பள்ளிக்கு பெயர் வாங்கித்தருவது எப்படியிருக்கும்?

இதே போல்தான் தமிழ் நாட்டின் அனைத்து நகரங்களில் வசிக்கும் மக்களின் சென்னை வாழ்க்கை ஆசையானது சென்னை மீது ஒரு வித காழ்ப்புணர்ச்சியை ஏற்படுத்தும் இல்லைன்னு சும்மா வார்த்தைக்கு வேண்டுமானால் சொல்லலாம் ஆனால் நிஜத்தில் நம்மலால சென்னையில் வாழ முடியலைன்னு ஒரு ஏக்கம் இருக்கும் .இந்த அரசும் அரசாங்கமும் அரசியல் வாதிகளுமே சென்னையையே விரும்புகின்றனர் ஆதலால் அவர்களும் இந்த விஷயத்தை பெரிய விஷயமாக எடுத்துக்கொள்ளாமல் பத்தோடு பதினொன்றாக ஆட்சி செய்துவிட்டு போய்விடுகின்றனர்..

சென்னை தவிர மற்ற நகரங்களில் வாழும் எங்களுக்கு இப்போ என்ன தேவைன்னு நினைத்து பார்க்க அரசாங்கத்துக்கும் அரசியல்வாதிகளுக்கும் நேரமில்லை ஏன் தமிழ் நாட்டில் இருக்கும் மதுரை திருச்சி கோவை போன்ற நகரங்கள் இன்னும் வளரும் நகரங்களாகவே இருக்கின்றன? இந்நகரங்களிலும் சென்னையில் இருக்கும் பாதி அரசு மற்றும் தனியார் தொழில் நிறுவனங்களை பகிர்ந்து அந்நகர வளர்ச்சிகளுக்கும் அரசு உதவலாமே ஆனால் முயற்சி செய்ய மாட்டார்கள் அத்தனைக்கும் லஞ்சம் என்ற விஷயத்தையும் தாண்டி சுயநலம் என்ற ஒன்றும் இருக்கின்றது , முக்கிய அரசியல் தலைவர்கள் அனைவரின் வீடு நிலம் அனைத்தும் சென்னையில்தானே இருக்கின்றது இன்னும் நிறைய அரசியல் தலைவர்களின் பங்குகளும் சென்னையில் இருக்கும் தனியார் தொழில் நிறுவனங்களின் மூதலீடாய் இருக்கின்ற பொழுது அவர்கள் எப்படி சென்னையை விட்டு மற்ற நகரங்களின் வளர்ச்சியில் அக்கறை கொள்வார்கள்?

இப்படி கப்பல் துறைமுகம் இருக்கும் நகரம் மட்டும் தொழிற் புரிய வசதின்னு ஒரு நியாயம் இருக்கிறது ஏனென்றால் உற்பத்தி செய்த பொருள்களின் ஏற்றுமதிகளுக்கும் உதிரி பாகங்களின் இறக்குமதிக்கும் சரியென்று வைத்துகொண்டாலும் மற்ற கணிணி மென்பொருள் துறையும் சென்னையிலேதான் வளர்ச்சி பெறவேண்டுமென்று விதியிருக்கிறதா என்ன? கேட்டால் கணிணி மென் பொருள் துறை வல்லுனர்கள் ஓய்வு நேரங்களை கழிக்க சிறந்த பொழுதுபோக்கு இடங்களும் இங்கே நிறைய இருப்பதால் பெரும்பாலானோர் சென்னையையே விரும்பவதாக கூறலாம் அந்த பொழுதுபோக்கு வசதிகளை தமிழ்நாட்டின் மற்ற நகரங்களிலும் ஏற்படுத்தி அந்த நகரங்களிலும் மென் பொருள் துறை வளர்ச்சியை ஏற்படுத்தலாமே இப்பொழுதும் இநநகரங்களில் மென் பொருள் நிறுவனங்கள் இயங்கினாலும் சென்னை அளவிற்க்கு வளர்ச்சியடையவில்லையென்றே கூறலாம்...

ஏன் சினிமாத்துறை சென்னையில் மட்டும் இயங்குகிறது? சினிமா தயாரிப்பதற்க்கு தேவையான மூல சாதனங்கள், ஸ்டுடியோக்கள், ரெக்கார்டிங் ஸ்டுடியோக்கள் அத்தனையும் சென்னையில் மட்டுமே இருப்பதனால் சினிமா தயாரிப்பவர்களால் சென்னையை விட்டு வெளியே வர விருப்பமில்லை அத்தனை வசதிகளையும் தமிழ்நாட்டின் பிற நகரங்களிலும் ஏற்படுத்தி அங்கேயும் திரைப்படம் எடுக்க முயற்சிக்கலாமே செலவுகளும் குறையும்,ஆனால் இதையும் கண்டுகொள்வார்களா மாட்டார்கள் ஏனென்று அவர்களுக்கும் திரைப்படத்துறையினருக்கு மட்டுமே வெளிச்சம்...

இன்னும் கல்வி,மருத்துவம் அத்தனையிலும் பிரதான நிறுவனங்கள் அனைத்தும் சென்னையில் மட்டும் இயங்குகின்றன இப்படியே போனால் சென்னை தமிழ்நாட்டிலிருந்து பிரிந்து தனி மாநிலமாக உருவெடுக்கும் நிலை வரலாம் அப்படியான சூழ்நிலையில் வளர்ச்சியடையாத நகரங்களை மட்டுமே வைத்துகொண்டு மீதியிருக்கும் நாடு பொருளாதார நிலையில் கடும் வீழ்ச்சிகளை சந்திக்கும் நிலை ஏற்படும் என்பது நிச்சயம்..இவற்றை தவிர்க்க தமிழ்நாட்டின் மற்ற நகரங்களையும் கண்டுகொள்ளுமா அரசு?

பதிவர் சந்திப்புகளும் புத்தக வெளியீடுகளும் கூட சென்னையில் மட்டுமே நடைபெறுவதற்க்கும் என்ன காரணம் என்று சென்னை பதிவர்களுக்கும் எழுத்தாளர்களுக்கே வெளிச்சம் கேட்டால் சென்னையில் நிறைய பதிவர்கள் இருப்பதாக கூறிக்கொண்டாலும் இந்த சந்தோஷகரமான புத்தக வெளியீடு பதிவர் சந்திப்பு போன்றவற்றை பார்க்கும் ஏனைய நகரங்களில் இருக்கும் பதிவர்களின் மனவெளிப்பாடு எப்படியிருக்கும்? அவர்களும் இந்நிகழ்வுகளில் கலந்துகொள்ளவேண்டும் என்று ஆசைப்பட்டிருப்பார்கள்தானே கன்னியாகுமரியில் இருக்கும் ஒரு பதிவர் சென்னை வந்து கலந்துகொள்ள ஆகும் செலவை நினைத்து பார்த்தால் அம்மாடி இருந்தாலும் புத்தக வெளியீடு சந்திப்புகளுக்கான சூழ்நிலை ஆகியவற்றிற்க்கும் சென்னை வசதியாக இருக்கிறது அதற்கு அவர்களை சொல்லியும் குற்றமில்லை...

(இது முற்றிலும் என்னுடைய கருத்து மட்டுமே)