மேகமும்! நானும்!...

இவ்விடுகை இளமை விகடனின் குட் பிலாக்ஸ் பகுதியில்

• இந்தியால இருந்து கத்தார்க்கு விமானத்துல வரும்போது மேகக்கூட்டத்துக்கிட்ட நான் எடுத்த பேட்டி.......

நான்: ஏன் நீங்க எல்லாருமே ஒரே உயரத்துல பறக்குறீங்க?

மேகம்:எங்களுக்குள்ள உயர்ந்த ஜாதி ,தாழ்ந்த ஜாதி கிடையாது அதான் எல்லாரும் இவ்வளவு உயரத்துல பறக்குறோம்.....

நான்:ஏன் நீங்க ஒரே இடத்துல நிக்காம போய்ட்டே இருக்கீங்க?

மேகம்:என்ன இப்படி கேட்டுட்டீங்க காசு பணம் சேக்குறதுக்காக ஓடல எங்கயாவது ஒரு நல்ல மனுஷன் இருக்கானான்னு தேடுவோம் கிடைச்சுட்டான்னு வச்சுக்கங்களேன் நாங்க எல்லாரும் சேர்ந்து கும்மியடிச்சுடுவோம்ல மழையா....

நான்:ஏன் நீங்க எல்லாம் ஒரே வெள்ளைக்கலரா இருக்கீங்க?

மேகம்:கருப்பு,வெள்ளைன்ற பேதம் எங்களுக்குள்ள வந்துடக்கூடாதுன்னுதான்..கோபம் வந்தா,சந்தோசம் வந்தா மட்டும் சாம்பல் கலரா மாறிடுவோம்...

நான்:ஏன் நீங்க அங்க ஒருத்தர் இங்க ஒருத்தர்ன்னு ஒவ்வொரு வடிவத்துல சிதறி சிதறி கிடக்குறீங்க?

மேகம்: நாங்க ஒண்ணும் உங்கள மாதிரியில்ல வேற வேற வடிவமா இருந்தாலும் ,சிறியவடிவமா இருந்தாலும் பெரிய வடிவமா இருந்தாலும் ஒருத்தருக்கொருத்தர் கைகோர்த்து ஒண்ணுக்குள்ள ஒண்ணாயிடுவோம்.

நான்:அப்பறம் இவ்வளவு பெரிய விமானம் உங்கள கிழிச்சுட்டுப்போகுதே உங்களுக்கு இரத்தமோ,அழுகையோ வராதா?

மேகம்:ஆமா இரத்தம் இருந்தாத்தானே வர்றதுக்கு எங்களுக்கு இரத்தமே கிடையாது ஏன்னா? அதுலயும் பல குரூப் இருக்குறதால!...எதுக்கு அழுவணும்? நாங்கதான் கிழிஞ்சாலும் உடனே சேர்ந்துடுவோமே!...

நான் : அப்போ அப்போ நிலாவ மறைச்சுக்கிறீங்களே ஏன்?

மேகம்: மனுஷங்களான உங்க கண்ணு பட்டு நிலாவுக்கு சேதாரம் ஆகிவிடகூடாதுன்னுதான்...

நான்:ஏன் நீங்க அப்போ அப்போ ப்ரவுன் கலரா மாறிடுறீங்க?

மேகம்:எல்லாம் உங்க தயவுதான் நீங்க தான் வித விதமா கெமிக்கல் கல்ந்து கட்டி விடுறீங்கள காத்துல..மழைவிழும்போது கூட மாறுவோம்...

நான்:கடைசியா ஒரு கேள்வி, நீங்க ஏன் தரையில பறக்க மாட்டேன்றீங்க?எப்போ தரைக்கு வருவீங்க?

மேகம்: நீங்கதான் எல்லா இடத்தையும் பட்டா போட்டுட்டீங்களே! நாங்க தரைக்கு வர்றதா சான்ஸே இல்ல நீங்க எல்லாம் என்னைக்கு ஒருத்தருக்கொருத்தர் அடிச்சுக்கிடாம விட்டுக்கொடுத்து,இன மொழி வேறுபாடு இல்லாம ,இயற்க்கை வளங்களை அழிக்காம ஒண்ணா கும்மி அடிக்கிறீங்களோ அன்னைக்குத்தான் நான் தரையில் மிதப்பேன்....என்னையும் மதிச்சு பேட்டி எடுத்ததுக்கு மிக்க நன்றி நண்பரே.....

நான்:மிக்க நன்றி மேகக்கூட்டங்களே உங்கள் ஆசை விரைவில் நிறைவேற இறைவனை பிரார்த்திக்கொள்கிறேன்....