ரொமான்டிக் குரல்கள்!

பெண்கள் அழகால் மட்டுமல்ல குரலாலும் வசியப்படுத்திவிடுவார்கள் . சில பெண்களின் குரல் கேட்டுக்கொண்டே இருக்கத்தோன்றும் அவர்கள் பேசுவதே புரியாவிட்டாலும் அந்த குரலுக்காகவே சிலமணி நேரங்கள் என்ன வருடங்களையே இழந்தவர்கள் இருக்கலாம்!

எனக்கு பாடல்கள் கேட்பதில் அலாதி விருப்பம் முதன் முதலாக பாடல் பற்றிய பதிவு எழுதுகிறேன்.

திரு ஜெயந்த் கிருஷ்ணா எனும் வெறும்பய அவர்களின் தொடர் அழைப்பிற்கிணங்க எனக்கு பிடித்த பெண்குரல்களில் வந்த பாடல்களின் தொகுப்பை நீங்களும் நேரமிருந்தால் கேளுங்கள்...

முதலில் புதிய பறவை என்ற திரைப்படத்தில் திருமதி பி.சுசீலா அவர்கள் பாடிய உன்னை ஒன்று கேட்பேன் என்ற பாடல் . இந்த பாடல் எனக்கு இசைக்காக மட்டுமல்ல சரோஜாதேவியாரின் முகபாவனைகளுக்காகவே மிகப்பிடிக்கும் யூட்யூபில் இதற்கான வீடியோ லிங் கிடைக்கவில்லை என்றாவது இந்த பாடலின் வீடியோ கிடைத்தால் பார்த்து மகிழுங்கள்....

இந்த பாடலில் மெல்லிசைமன்னர் விஸ்வநாதன் அவர்களின் பியானோ சாக்ஸபோனுக்கு இணையாக சுசீலா அவர்களின் மயக்கும் குரல், அத்தோடு

"நிலவில்லா வானம் நீரில்லா மேகம் 
பேசாத பெண்மை பாடாத உண்மை
கண்ணை மெல்ல மூடும் தன்னை எண்ணி வாடும்
பெண்ணைப்பாடச் சொன்னால் என்ன பாடத்தோன்றும்?"
என்ற கவி வரிகளிலும் மனம் லயித்துதான் போகிறது,

"காதல் பாட்டு பாட காலம் இன்னும் இல்லை
தாலாட்டு பாட தாயாகவில்லை" எனும் வரிகள் வரும் இடத்தில் வெட்கப்படுவது இப்படித்தான் என ஒரு வகுப்பே நடத்துகிறார் சரோஜா தேவியார்.. இங்கே சென்றும் கேட்டுப்பாருங்கள்!



தளபதி திரைப்படத்தில் மேஸ்ட்ரோ இளையராஜா அவர்களின் இசையில் திருமதி எஸ். ஜானகி அவர்கள் தன் கணீர் குரலில் பாடிய சின்னத்தாயவள் என்ற பாடல் இங்கு வந்தபிறகு நிறைய தடவை கேட்டிருக்கிறேன் . அம்மாவை எப்பொழுதும் மறக்கமுடியாதுதான் ஆனால் இந்தப்பாடல் கேட்கும்போது அம்மா அருகில் இருப்பது போன்ற உணர்வு.

"தாயழுதாளே நீ வர
நீ அழுதாயே தாய் வர "

வாலியின் இந்த வரிகளுக்கு ஜானகியம்மா உயிர் கொடுத்திருப்பார் இந்தப்பாடலில். சூப்பர்ஸ்டார் தனது தாயைக்கண்டதும் அம்மா என்றழைக்க வாயெடுத்து பின்பு சொல்லமுடியாமல் தவிக்கும் இடத்தில் சிறப்பாக நடித்திருப்பார் ..இங்கு சென்று பாருங்கள்



சாமி திரைப்படத்தில் ஹாரீஸ் ஜெயராஜின் இசையில் கே.எஸ்.சித்ரா அவர்கள் பாடிய இதுதானா இவன்தானா என்ற பாடல் கேட்கமட்டுமல்ல பார்க்கவும் மிகப்பிடிக்கும் ஏன் பிடிக்கும் அப்படின்னு எல்லாம் தெரியாது இந்தப்பாடல்தான் என்னோட நிறைய காதல் பதிவுகளுக்கு இம்ப்ரெஸன்..

"ஞாயிறு மதியம் சமையல் உனது 
விரும்பி நீ சமைத்திடுவாய்
வேடிக்கைபார் என என்னை அமர்த்தி
துணிகளும் துவைத்திடுவாய் 
ஊருக்குள் அனைவரும் உன்னை கண்டு நடுங்க 
வீட்டினில் நீயொரு குழந்தையாய் சிணுங்க 
பெருமையில் என் முகம் இன்னும் மினுங்க 
இருவரின் உலகமும் இரு வரி சுருங்க 
மகிழ்ச்சியில் எந்தன் மனம் மலர்ந்திடுமே 
என் உயரமோ இன்னும் கொஞ்சம் வளர்ந்திடுமே" 

இந்த வரிகளில் சித்ரா அவர்களின் ஏற்ற இறக்கத்துடன் வேகத்தை குறைத்தும் அதிகப்படுத்தியும் சிறப்பாக பாடியிருப்பார்

இந்த இடத்தில் புதுமணத்தம்பதிகள் விக்ரம் த்ரிஷா இவர்களின் நடிப்பு ரொமாண்டிக் ரகம்.. பார்க்க..






சத்ரியன் திரைப்படத்தில் இசைஞானி இளையராஜா அவர்களின் இசையில் ஸ்வர்ணலதா அவர்கள் பாடிய மாலையில் யாரோ மனதோடு பேச என்னுடைய ஃபேவரைட் பாடல் ஸ்வர்ணலதா அவர்களின் குரல் மயக்கியே வைத்திருக்கிறது என்னை இன்னும்...

"கரைமேல் நானும் 
காற்று வாங்கி விண்ணை பார்க்க 
கடல்மீன் கூட்டம் 
ஓடிவந்து கண்ணைப்பார்க்க 
அடடா நானும் மீனைப் போல கடலில் பாயக்கூடுமோ? 
அலைகள் வெள்ளி ஆடைபோல உடலின் மீது ஆடுமோ"

என்று இயற்கையை ரசிக்கும் ஒரு பெண்ணின் குரல்...... பார்க்க 


முகவரி திரைப்படத்தில் தேனிசைத்தென்றல் தேவா அவர்களின் இசையில் ஹரிணி அவர்கள் பாடிய ஹே ஹே கீச்சுக்கிளியே பாடல் இனிமையான கானம்...

"உயிர்களின் சுவாசம் காற்று 
அந்தகாற்றின் சுவாசம் கானம் 
உலகே இசையே 
எந்திர வாழ்க்கையின் இடையே 
நெஞ்சில் ஈரத்தில் புசிவதும் இசையே 
எல்லாம் இசையே 
காதல் வந்தால் அட அங்கும் இசைதான் 
கண்ணீர் வந்தால் அட அங்கும் இசைதான் 
தொட்டில் குழந்தை ஒன்று அழுதால் 
அதை தூங்க வைப்பதும் இந்த இசைதான் "


கேட்டுப்பாருங்கள் இசையை




புதுக்கோட்டையிலிருந்து சரவணன் திரைப்படத்திலிருந்து யுவன் ஷங்கர் ராஜா அவர்களின் இசையில் பாம்பேஜெயஸ்ரீ அவர்கள் பாடிய மலர்களே மலர்களே பாடல் கிறங்கடிக்கும் உங்களை கேட்டுப்பாருங்கள்..

கவிதாயினி தாமரையின் கவிதை

"ஆடைகள் சுமைதானே
அதை முழுதும் நீக்கிவிட்டு குளிப்பேன்
 யாவரேனும் பார்ப்பார்கள் என்ற
கவலையேதுமின்றி களிப்பேன்
குழந்தையென மீண்டும் மாறும் ஆசை
எல்லோருக்கும் இருக்கிறதே"


ம்ம் இவரின் அனைத்துப்பாடல்களுமே மிகப்பிடிக்கும் இது மிகமிகப்பிடிக்கும் பாடலை பார்க்க...



பொக்கிஷம் திரைப்படத்தில் சபேஷ் முரளியின் இசையில் நிலா நீ வானம் காற்று பாடலின் பிற்பாதியில் சின்மயியின் சில்லென்ற குரலில்...

"அன்புள்ள மன்னா அன்புள்ள கள்வனே
அன்புள்ள கள்வனே அன்புள்ள கண்ணாளனே
அன்புள்ள ஒளியே அன்புள்ள தமிழே
அன்புள்ள செய்யுளே அன்புள்ள இலக்கணமே
அன்புள்ள திருக்குறளே அன்புள்ள நற்றினையே
அன்புள்ள படவா அன்புள்ள திருடா
அன்புள்ள ரசிகா அன்புள்ள கிறுக்கா
அன்புள்ள திமிரே அன்புள்ள தவறே
அன்புள்ள உயிரே அன்புள்ள அன்பே
இதில் யாவுமே இங்கு நீதான் என்றால்
என்ன தான் சொல்ல சொல் நீயே
பேர் அன்பிலே ஒன்று நான் சேர்ந்திட
வீண் வார்த்தைகள் இனி ஏன் தேடிட"



அன்பை மழையா பொழியுறாங்க மகரந்த வாய்ஸ் இவங்களோடது செம்மையான லக்...பெரு மூச்சு மட்டும்தான் வருது,,, சோலோவா பாடியதைவிட டூயட் பாடல்கள் இவருக்கு செம்ம ஹிட்டாவுது... பார்க்க





சங்கமம் திரைப்படத்தில் ஏ ஆர் ரஹ்மானின் இசையில் நித்யஸ்ரீ மஹாதேவன் பாடிய சௌக்கியமா கண்ணே சௌக்கியமா கர்னாட்டிக் தாலாட்டு...

கூடவே வைரமுத்து அவர்களின் கவிமழை

"சூரியன் வந்து வாவெனும்போது 
என்ன செய்யும் பனியின் துளி 
கோடி கையில் என்னை கொள்ளையிடு 
தோடி கையில் என்னை அள்ளியெடு "

இந்த வரிகள் வரும் இடத்திலும் பாடலின் கடைசியிலும் தாண்டவமாடியிருக்கிறார் நித்யஸ்ரீ ...


இன்னும் நிறைய பாடல்கள் இருக்கின்றன அதையெல்லாம் பிரிதொரு நாளில் பார்ப்போம்...!